IL-JUM INTERNAZZJONALI TAL-KTIEB 2011  ICCELEBRAT F’GHAWDEX

Għall-erbatax-il sena konsekuttiva, il-Librerija Pubblika ta’ Għawdex b’koordinament mal-Gozo College Rabat Primary Literacy Unit fakkret il-Jum Internazzjonali tal-Ktieb permezz ta’ sensiela ta’ attivitajiet. Dawn laħqu l-qofol tagħhom dalgħodu bi programm imżewwaq li kien jinkludi l-inawgurazzjoni ta’ wirja ta’ kotba ġodda mill-Onor. Giovanna Debono, Ministru għal Għawdex.

Jum il-Bizzilla f’Għawdex

Għall-ħmistax-il sena konsekuttiva, il-Kampus tal-Università f’Għawdex tella’ l-Gozo Lace Day, avveniment annwali li għandu l-għan li jippromwovi u jkattar l-informazzjoni dwar ix-xogħol tal-bizzilla. L-edizzjoni ta’ din is-sena kienet tinkludi wirja ta’ xogħlijiet maħdumin b’din is-sengħa flimkien ma’ disinji magħrufa bħala xempji li fuqhom jinħadmu x-xogħlijiet. Kien hemm ukoll min kien qed jaħdem il-bizzilla fuq il-post.

30 ŻIEMEL MINN MALTA GĦAT-TIENI EDIZZJONI TAL-GOZO EQUINE CUP BIL-FINALI FL-1 TA’ MEJJU

Is-Segretarjat Parlamentari għall-Konsumaturi, Kompetizzjoni Ġusta, Kunsilli Lokali u Konsultazzjoni Pubblika u l-Gozo Horse Racing Assocation, għat-tieni sena konsekuttiva, qed jorganizzaw il-Gozo Equine Cup. L-edizzjoni tal-2011 se ssir fuq jumejn. Il-Ħadd 17 ta’ April isiru l-heats filwaqt li l-finali jsiru l-Ħadd l-1 ta’ Mejju. Iż-żewġ meetings jibdew fis-2pm.

LEJLET LAPSI NOTTE GOZITANA 2011 – NIĊĊELEBRAW LIL GĦAWDEX

Il-ħames edizzjoni tal-attività ferm popolari Lejlet Lapsi Notte Gozitana, imtella’ mill-Ministeru għal Għawdex, se tinżamm bejn il-Ġimgħa 3 u l-Ħadd 5 ta’ Ġunju 2011.

Mixjiet mal-kosta u l-irdum tax-Xlendi fil-weekend tal-Għid il-Kbir

Maltin u Għawdxin qed ikunu mistiedna jattendu għal attivitajiet ta’ trekking, jew mixjiet mal-kosta u l-irdum tax-Xlendi, bħala parti minn inizjattiva favur aktar attività fiżika. Din l-inizjattiva qed tittieħed mill-Kumitat Amministrattiv tax-Xlendi bl-għajnuna tal-Iskema Inizjattivi Sportivi 2011 imħaddma mis-Segretarjat Parlamentari għall-Kunsilli Lokali u mill-Kunsill Malti għall-Isport.

TAPPA F’GĦAWDEX GĦAĊ-ĊIKLISTI TAL-BETFAIR TOUR TA’ MALTA

F’Għawdex inżammet it-tielet tappa tal-Betfair Tour ta’ Malta, li sar fuq iċ-ċirkwit fil-limiti magħrufa bħala ta’ Xħajma fin-Nadur, Għawdex. Iċ-ċirkwit ta’ Għawdex reġa’ ġie nkluż għat-tieni sena konsekuttiva fit-Tour ta’ Malta organizzat mill-Malta Cycling Federation, wara li kien inqata’ għal xi snin.

ĠIMGĦA T’ATTIVITAJIET IŻŻID L-GĦARFIEN DWAR KARRIERI FIT-TURIŻMU F’GĦAWDEX

F’Għawdex qed tinżamm għat-tielet sena konsekuttiva dik li ġiet imsejħa ‘Navigate...a career in tourism week’. Din hija inizjattiva promossa mill-Assoċjazzjoni tat-Turiżmu għal Għawdex bil-għan li studenti Għawdxin jiksbu aktar għarfien u jsiru midħla ta’ opportunitajiet ta’ xogħol offruti mis-settur turistiku f’Għawdex stess.

PROĠETT TA’ TITJIB FIL-ĠNIEN VILLA RUNDLE FIR-RABAT GĦAWDEX

Il-Ministru għal Għawdex l-Onor. Giovanna Debono żaret il-ġnien Villa Rundle fil-belt Victoria fejn bħalissa jinsabu għaddejjin xogħlijiet marbuta mal-proġett ta’ titjib estensiv, li qed isir b’kofinanzjament mill-Fond Ewropew għal Żvilupp Reġjonali taħt il-Programm Operattiv 1 tal-Politika ta’ Koeżjoni 2007 – 2013.

Bidder wieħed għall-‘Proviżjoni ta’ servizz ta’ trasport marittimu bejn Malta w Għawdex, għall-ġarr  ta’ passiġġieri, vetturi u merkanzija.’

L-uniku bidder li tefa’ l-offerta tiegħu għall-‘Proviżjoni ta’ servizz ta’ trasport marittimu bejn Malta w Għawdex, għall-ġarr  ta’ passiġġieri, vetturi u merkanzija’ huwa Gozo Channel Transport Joint Venture. Dan il-konsorzju hu ffurmat mill-kumpanija Gozo Channel u mill-kumpanija Gozo Ferries.

Partita ta’ ħbiberija internazzjonali f’Għawdex

Il-Gozo Stadium fix-Xewkija Għawdex ospita logħba ta’ ħbiberija  bejn it- timijiet nazzjonali ta’ taħt id-dsatax-il sena ta’ Malta u l-Ungerija. Din il-logħba kienet possibbli permezz ta’ kollaborazzjoni sħiħa bejn il-Malta Football Association (MFA) u l-Gozo Football Association (GFA) ankè fl-isfond tat-titjib sostanzjali fil-faċilitajiet li joffri dan l-istadium li issa jippermetti li jiġu organizzati parititi ta’ dan il-livell.

Allegazzjonijiet infondati u bla bażi fir-rigward tad-Dipartiment tar-Radjoloġija ġdid fl-Isptar Ġenerali ta’ Għawdex

Il-Ministeru għal Għawdex jiċħad kategorikament dak li ġie rrappurtat f’sezzjoni tal-midja lokali fir-rigward ta’ testijiet li skont l-istess rapport ‘ġew irrifjutati’ mid-Dipartiment tar-Radjoloġija nhar il-Ġimgħa 18 ta’ Marzu 2011.

L-inawgurazzjoni Uffiċjali tad-Dipartiment ġdid tar-Radjoloġija fl-Isptar Ġenerali ta’ Għawdex inżammet kmieni wara nofsinhar speċifikament biex ma jiġix interrott is-servizz f’dan id-dipartiment.

TISĦIĦ FIS-SERVIZZI TAS-SAĦĦA F’GĦAWDEX PERMEZZ TAL-INAWGURAZZJONI TAD-DIPARTIMENT TAR-RADJOLOĠIJA FL-ISPTAR ĠENERALI TA’ GĦAWDEX

. ‘Id-Dipartiment ġdid tar-Radjoloġija fl-Isptar Ġenerali ta’ Għawdex ser ikompli jsaħħaħ il-kwalità u n-numru tas-servizzi tas-saħħa fil-gżira ta’ Għawdex. Dan permezz ta’ apparat diġitali modern li jixraq lil sptar reġjonali fiż-żminijiet tal-lum.’ Dan qalitu l-Onor. Giovanna Debono, Ministru għal Għawdex, waqt l-inawgurazzjoni ta’ Dipartiment tar-Radjoloġija ġdid fl-Isptar Ġenerali ta’ Għawdex.

JIŻDIED L-ISPAZJU GĦAT-TAGĦLIM FIL-KAMPUS TAL-UNIVERSITÀ F’GĦAWDEX

Fil-Kampus tal-Università f’Għawdex qed jiżdied aktar spazju għat-tagħlim biex b’hekk ikun jista’ jakkomoda lin-numru dejjem jiżdied ta’ studenti adulti li qed jagħżlu li jsegwu wieħed mill-korsijiet offruti f’dan il-kampus matul is-sena. Dan permezz ta’ żewġ swali ġodda li qed itejbu sostanzjalment il-faċilitajiet ġewwa dan il-kampus li issa ilu joffri s-servizzi tiegħu f’Għawdex għal kważi għoxrin sena.

Għawdex ifakkar il-Jum Internazzjonali għall-Volontarjat

Il-Kunsill tal-Assoċjazzjoni tal-Għaqdiet mhux Governattivi Għawdxin qed ifakkar il-Jum Internazzjonali għall-Volontarjat permezz tal-Gozo International Voluntary Event (GIVE). Dan l-avveniment, li qed ikun mifrux fuq tlett ijiem, bejn il-Ħadd 28 ta’ Novembru u l-Erbgħa l-1 ta’ Diċembru 2010, għandu l-għan li jesponi u jippromwovi l-ħidma siewja

Opportunità ta’ promozzjoni għalL-kultura, tradizzjonijiet u tendenzi soċjali Maltin u Għawdxin