Mill-għadd totali kien hemm 8% li kienu ċittadini ta’ xi stat membru tal-UE li kisbu ċ-ċittadinanza ta’ stat membru ieħor. Għalkemm ħdejn stati memri oħrajn ferm akbar minna, l-għadd ta’ persuni li ngħataw iċ-ċittadinanza Maltija huwa wieħed żgħir, bħala perċentwali dan jammonta għal aktar mill-med­ja fost is-27 stat membru tal-UE.

Fil-fatt, waqt li l-medja Ewropea għall-ħruġ taċ-ċittadinanza kienet ta’ 1.4 kull 1,000 abitant, l-għadd ta’ barranin li ngħataw ċittadinanza Maltija ammontaw għal 1.6 kull 1,000 abitant.

Jekk wieħed imbagħad iqabbel il-perċentwali kull 1,000 resident barrani jsib li waqt li l-medja għall-UE kienet 23, fil-każ ta’ Malta din titla’ għal 36.

Meta wieħed jieħu flimkien l-istati membri kollha tal-UE jsib ukoll li l-akbar gruppi ta’ ċittadini barranin li kisbu ċittadinanza Ewropea kienu l-Marokkini b’9.2%, it-Torok b’7.1% u l-Ekwadorjani b’3.9%.

Fil-każ ta’ Malta l-akbar grupp li ngħataw ċittadinanza Maltija kienu Awstraljani (226 persuna jew 35.1%), Ingliżi (110 persuni jew 17.1%) u Amerikani (44 persuna jew 6.8%).