Sebat ijiem wara kien wie­ġeb il-Ministru Gatt li ta l-assigurazzjoni tiegħu lil Dr Hiby u lill-entitajiet kollha konċernati li “l-Awtorità Maltija għat-Trasport taqbel għal kollox li jkun hemm strutturi ta’ kenn u hija lesta li tħallas hi għalihom sakemm jinstab spazju għalihom u li dawn jintużaw mis-sidien tal-karoz­zini”.

Sussegwentement, fit-12 ta’ Novembru, 2009, kienet saret laqgħa bejn rappreżentanti mill-World Association for Tran­sport Animal Welfare and Studies (TAWS) u mill-Animal Rights Group ma’ uffiċjali mill-Ministeru għall-Infrastruttura, Trasport u Komunikazzjoni u l-Uffiċjal tal-Gvern għall-Ħarsien tal-Annimali. Wara din il-laqgħa, l-uffiċjali speċjalisti mit-TAWS kie­nu bagħtu r-rakkomdazzjonijiet tagħhom dwar x’kellu jsir, iżda sal-lum il-ġurnata, minn dan kollu ma sar kważi xejn.

Permezz ta’ ittra datata 16 ta’ Ġunju, il-Ministru Austin Gatt kien imfakkar fl-impenn li daħal għalih u l-kelma li ta meta ddikjara li kellu jkun il-Ministeru tiegħu li kellu jara li jinbnew l-istrutturi ta’ kenn, li jħallas għalihom kif ukoll li jara li s-sidien tal-karozzini ju­żawhom.